ელიზბარაშვილი მიხეილ არჩილის ძე (09.IX.1938, თელავი). დაამთავრა თსუ-ის ფიზიკის ფაკ-ტი ბირთვული ფიზიკის სპეციალობით (1961). იმავე წელს დაიწყო მუშაობა ბირთვული ფიზიკის კათედრის ბირთვული სპექტროსკოპიის განყ-ში თავდაპირველად ლაბორ., ხოლო შემდგომში უფრ. მეცნიერ-თანამშრომლის პოზიციაზე, განყ-ში, რ-საც ხელმძღვანელობდა რ. მეცხვარიშვილი, კვლევები ტარდებოდა ლენინგრადის (ახლანდელი სანქტ-პეტერბურგი) ბირთვული ფიზიკის ინ-ტში დამზადებულ ორმაგი ფოკუსირების მაგნიტურ სპექტრომეტრზე, რ-იც უნიკალური იყო იმ დროისთვის. სპექტრომეტრი იძლეოდა შესაძლებლობას შეესწავლათ რადიოაქტიური ბირთვების დაშლის სქემებში მიმდინარე სუსტი გადასვლები და მათი მახასიათებლები. მიღებული მონაცემები ესაჭიროებოდათ თეორეტიკოსებს ატომური ბირთვების სტრუქტურის კვლევისათვის;  ე. მ.  სისტემატურად მონაწილეობდა ყოველწლიურ კონფერენციებში ბირთვული სპექტროსკოპიის მიმართულებით; მოსკოვში დაიცვა ფიზ.-მათ. მეცნ. საკანდიდატო დისერტაცია თემაზე: „ИССЛЕДОВАНИЕ ХАРАКТЕРИСТИК РАСПАДА РЯДА РАДИОАКТИВНЫХ ЭЛЕМЕНТОВ С ПОМОЩЬЮ СЕКТОРНОГО МАГНИТНОГО БЕТА-СПЕКТРОМЕТРА С МАЛЫМ ФОНОМ“ (1982); არის სამეცნ. ნაშრომის თანაავტორი:  “ОПРЕДЕЛЕНИЕ МУЛЬТИПОЛЬНОСТИ γ-ПЕРЕХОДОВ 182W В ОБЛАСТИ МАЛЫХ ЭНЕРГИЙ” (1968); მუშაობს თსუ-ის ნახევარგამტარული ფიზიკის სამეცნ-კვლ. ინ-ტში.